Жол кыймылынын коопсуздугун камсыздоо боюнча илимий-практикалык конференция өткөрүлдү.

Бүгүн, Бишкекте кыргыз милициясынын түзүлгөндүгүнүн 100 жылдыгына карата "Кыргыз Республикасында жол кыймылынын коопсуздугун камсыз кылуунун көйгөйлөрү жана келечеги" темасындагы илимий-практикалык конференция болуп өттү.

Иш-чарага ИИМдин ЖКККББнын башчысы милициянын полковниги Жеңишбек Жоробеков, ДССУнун Кыргыз Республикасындагы өкүлү доктор Ливиу Ведраско, Кыргыз Республикасынын ИИМдин ЖКККББнын, Өзгөчө кырдаалдар министрлигинин, Саламаттык сактоо министрлигинин, Кыргыз Республикасынын министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин, санариптик өнүктүрүү министрлигинин, "Жол коопсуздугу" коомдук бирикмесинин,  жана Кыргыз Республикасынын Финансы министрлигине караштуу Мамлекеттик салык кызматынын өкүлдөрү катышты.

Иш-чаранын ачылышында  ЖКККББнын башчысы, милициянын полковниги Жеңишбек Жоробеков жана ДССУнун Кыргыз Республикасындагы өкүлү Доктор Ливиу Ведраско белгилегендей, жол кырсыктары дүйнө жүзү боюнча адамдардын ден соолугуна жана өмүрүнө эң коркунучтуу коркунуч болуп саналат. Конференциянын катышуучуларын заманбап этаптагы жол кыймылынын эрежелеринин эң актуалдуу маселелерин конструктивдүү талкуулоого жана аны ишке ашырууга  жана өркүндөтүүгө карата бирдиктүү мамилелерди иштеп чыгууга чакырышты.

Иш-чаранын жүрүшүндө эксперттер "жол кыймылынын коопсуздугун камсыздоо жаатында Кыргыз Республикасынын ИИМдин ишин уюштуруу", "Кыргыз Республикасында жол кыймылынын коопсуздугун камсыз кылуу контекстинде унааларды камсыздандыруунун орду", "балдардын жана жөө жүрүүчүлөрдүн коопсуздугу, "коопсуз Кыргызстан үчүн", "Кыргыз Республикасынын тоолуу райондорунда жол кыймылын уюштуруунун өзгөчөлүктөрү",  "Кыргыз Республикасынын ИИМдин ЖКККББгы үчүн кенже жетектөөчү курамдын кадрларын даярдоо маселелери" темаларында баяндама  жасашты.

Конференциянын соңунда ИИМдин ЖКККББнын башчысы, милициянын полковниги Жеңишбек Жоробеков бүгүнкү конференция жемиштүү өткөндүгүн, актуалдуу жана маанилүү маселеге көңүл бурулгандыгын, ошондой эле айдоо маданиятын жогорулатууга жана коопсуздукту камсыз кылууда айдоочу, жөө жүргүнчү же велосипедчи болобу, ар бир жол кыймылынын катышуучусу негизги ролду ойной тургандыгын түшүнүшүбүз керек экендигин эскертип, бардык катышуучуларга терең ыраазычылыгын билдирди.

ЖКККББнын басма сөз кызматы.